Жұмысшы мамандықтары – экономиканың тірегі
Мемлекет басшысы Қасым-Жомарт Тоқаев халыққа Жолдауында кәсіптік білім беру саласын реформалау қажеттігін атап өтті. Әсіресе, 2025 жылдың “Жұмысшы мамандықтар жылы” деп жариялануы – еліміз үшін маңызды қадам. Бұл шешім жұмысшы мамандықтарының қоғамдағы маңызын арттырып, олардың беделін көтеруге бағытталған. Сонымен қатар, жастарды жұмысшы мамандықтарын таңдауға ынталандыру үшін кәсіптік колледждер мен оқу орындарына қолдау күшейтіледі. Бұл олардың сапалы білім алып, еңбек нарығында өз орнын табуына мүмкіндік береді. Жалпы, жұмысшы мамандықтары – өнеркәсіп, құрылыс, ауыл шаруашылығы және басқа да экономикалық салалардың негізі. Осы сала мамандарын даярлау – ел экономикасының тұрақтылығы мен дамуының кепілі. Бұл бастама тек кәсіптік білім беру жүйесін нығайтып қана қоймай, тұтас Қазақстанның әлеуметтік-экономикалық өркендеуіне серпін береді. Еңбекқорлық пен кәсіби шеберлік арқылы біз жаһандық деңгейде бәсекеге қабілетті ел бола аламыз.
Мархаба Атембекова,
кітапханашы
