Жұмысшы мамандықтар – Қазақстанның қарқынды дамуының негізі
2025 жылдың “Жұмысшы мамандықтар жылы” деп жариялануы – елдің стратегиялық дамуы жолындағы маңызды қадам. Жұмысшы мамандықтар – экономиканың іргетасын қалаушы, өндірістік және әлеуметтік инфрақұрылымды қамтамасыз ететін кәсіптер. Құрылыс, энергетика, өнеркәсіп, ауыл шаруашылығы сияқты маңызды салалардың дамуы білікті жұмысшы мамандардың еңбегіне тікелей байланысты. Заманауи технологиялар мен инновацияларды енгізу де осы мамандықтардың сапалы дамуын қажет етеді. Әрбір азамат бұл бастаманы қолдап, оның табысты жүзеге асуына өз үлесін қоса алады. Жұмысшы мамандықтарды дәріптеу – елдің тұрақты әрі жарқын болашағының кепілі. Бұл бастама еліміздің экономикасын нығайтуға, жастардың болашағына сенім ұялатуға және жұмысшы мамандықтардың беделін арттыруға бағытталған маңызды шара. Жұмысшы мамандықтарын дамыту – тек экономиканың ғана емес, бүкіл қоғамның тұрақты дамуына серпін беретіні сөзсіз.
Баглан Анишева,
кітапханашы
