Ойын орталығы ашылды
Биыл ауданымызда Ұлыстың ұлы күні – Наурыз мейрамы қарсаңында балаларға арналып аудан орталығынан ойын-сауық орталығы ашылған болатын. Бұл орталық балалардың уақытын қызықты әрі көңілді өткізуге арналған батутты аймақ, құрғақ бассейн,ойын кешендері мен сырғанақ сынды заманауи үлгідегі ойын құрылғыларымен жабдықталған. Орталықтың иесі – Сәтбаев қаласының тұрғыны, жеке кәсіпкер Арай Бірімғазина. Осы балалар ойын алаңын ашу үшін 18 млн. теңге қаражатын жұмсапты. Мұнда бағасы өте тиімді: бала басына 2000 теңге төлегеннен кейін пайдаланылатын уақыт еш шектелмейді. Сондай-ақ көпбалалы отбасыларға жеңілдік қарастырылған. 3 баланың екеуіне ақылы қызмет көрсетсе, үшіншісі тегін ойнайды. Ақысыз қызмет ерекше балалар мен туған күн иелеріне де тиесілі. Барлық балалар үшін бұл орталық қызықты,əрі көңілді ойын алаңына айналды.
