«БІЗ БІРГЕМІЗ» СЛЕТІ ӨТТІ

Аудандық мәдени-сауық орталығында Жастар ресурстық орталығының тікелей ұйымдастыруымен “Біз біргеміз” атты форумы өтті. Форумның мақсаты: жастардың бойына ұлттық рухты, патриоттық сезімдерді ұялату, өз Отанын, елін сүюге, мемлекеттік рәміздерді қастерлеуге баулу, өз ұлтын жанындай сүйетін саналы, білімді азамат қалыптасыру.
Форумның ашылу салтанаты рәсімінде Жастар ресурстық орталығының директоры Еркегүл Тәттімбекқызы сөз сөйлеп, ауданымыздың аясында атқарылған жұмыстармен таныстырып және жігерлі жастардың өз қолдарымен жасаған жұмыстарын көрсетті. Шағын бизнес пен ашылған біршама жобалар, аудан  әкімінің грантының иегерлерінің тағы басқа да үлкенді-кішілі жұмыстар таныстырылды. Волонтерлық істі өміріне серік еткен жастардың жыл бойы жасаған игі істері көрсетілді. Атап айтсақ “Ардагерім -ардағым” .“Таза Қазақстан”, “Біз біргеміз”, “Жаңа Қазақстан” жобалары.
Осы жылдар бойы аудан аясына волонтерлық сала бойынша көзге түсіп біршама жобалармен ауданымыздың гүлденуіне үлесін қосушы волонтерлер Астана қаласынан «Арқа кеңесі» ауыл азаматтарына арналған жергілікті басқару мектебінің арқауымен аудан еріктілеріне, Ұлытау облысы, Жаңаарқа ауданының көркеюіне үлес қосқаны үшін «Үздік волонтер» куәлігі берілді. Олар: Қуаныш Ауданбайұлы, Алмаз Өтегенов, Жалғас Ермек, Ерсұлтан Орынбаев, Аружан Рысқалиқызы, Нұрәлі Мұқажан, Арнат Маратұлы, Нұрбақыт Бекзатқы, Гүлсезім Бекзатқызы, Аяжан Алтайқызы.
Келген қонақтарға арнайы фуршет стол жайылып, сыйлықтар таратылды. Құрметті аудан жастары, сіздерді де ауданымыздың көркеюіне үлес қосуға шақырамыз. Еріктілер қатарына қосыл!

Қуаныш ТӨЛЕУТАЙ