«Елімізге сенімді және экологиялық таза қуат көздері аса қажет»
Мемлекет басшысы Қасым-Жомарт Кемелұлы Тоқаев Қазақстан халқына жолдаған Жолдауында- АЭС салу бойынша жалпыұлттық референдум өтетінін мәлімдеп, Жарлыққа қол қойды.
Қазір әлемде энергия тапшылығы күшейіп барады. Елімізге сенімді және экологиялық таза қуат көздері аса қажет. Сондықтан біз атом энергетикасын дамытуға баса мән беруіміз керек деп ойлаймын. Себебі экономикамыз күн өткен сайын мол энергияны қажет етуде. Ғалымдардың пікірінше мұндай сұранысты тек атом энергетикасы қамтамасыз ете алады. Қазір дамыған және дамушы 30 мемлекетте 415 атом электр стансасы жұмыс істеп тұр.
Ел өміріндегі әрбір маңызды қадам жұртшылықпен бірлесіп жасалуға тиіс деген болатын Қ.К.Тоқаев.
Сол себепті мемлекет басшысының АЭС салу бойынша жасап жатқан осы бір қадамы бәріміз үшін маңызды, оң шешім деп қабылдаймын. Барша қазақстандықтарды, ауылдастарымды қоғамда резонанс туындатып тұрған АЭС салу жөніндегі жалпыұлттық референдум аясында дұрыс пікірде болып, 6 қазан белсенді түрде қатысуға шақырамын!
Атамурат Мердан — Жаңаарқа ауданы мәслихатының депутаты
