ТҮГІСКЕН АУЫЛЫНДА ЖАҢА ШАШТАРАЗ ЕЛ ИГІЛІГІНДЕ
Аудан әкімінің 2025 жылғы грантының иегері Наурызбек Тайжан Түгіскен ауылдық округінде жаңа шаштараз ашып, жеке кәсібін бастады.
Бұл жоба — ауыл жастарының кәсіпкерлік бастамаларын қолдау және тұрғындарға сапалы, қолжетімді қызмет ұсыну мақсатында жүзеге асқан нақты қадам.
«Өз ауылымның халқына сапалы қызмет көрсетіп, жаңа жұмыс орнын ашқым келді. Аудан әкімінің гранты — мен үшін үлкен мүмкіндік болды», — дейді жас кәсіпкер.
Жаңа нысан заманауи құрал-жабдықтармен жабдықталған. Мұнда ерлер мен балаларға арналған шаш қию, сәндеу және күтім қызметтері көрсетіледі. Болашақта кәсіпкер әйелдерге арналған сұлулық бұрышын ашуды жоспарлап отыр.
