Жұмысшы мамандықтары – экономиканың тірегі

Жұмысшы мамандықтары кез келген елдің экономикалық дамуының негізін құрайды. Өндіріс, құрылыс, ауыл шаруашылығы, көлік және қызмет көрсету салалары білікті жұмысшыларсыз толыққанды жұмыс істей алмайды. Қол еңбегінің маңызы уақыт өткен сайын артып, заманауи технологиялармен ұштаса отырып жаңа мүмкіндіктерді ашуда. Бүгінде кәсіпорындардың бәсекеге қабілеттілігі де жұмысшылардың кәсіби шеберлігіне тікелей байланысты. Сондықтан білікті жұмысшы дайындау – ел дамуының стратегиялық міндеті.

Жұмысшы мамандықтарының беделін арттыру – қоғамның басты мақсатының бірі. Себебі нақты өндірісте тұрған адамдардың еңбегі – экономикалық өсімнің негізгі қозғаушы күші. Кәсіптік білім беру жүйесі жылдан жылға жаңарып, жастарды техникалық мамандықтарға баулуға үлкен мән берілуде. Заманауи жабдықтармен жұмыс істей алатын, жаңа технологияларды меңгерген жұмысшыларға сұраныс артып келеді. Бұл өз кезегінде еңбек нарығын тұрақтандырып, жаңа жұмыс орындарының ашылуына ықпал етеді.

Жұмысшының еңбегі – елдің құндылығы. Еңбекті бағалау арқылы біз өндірістің сапасын да көтереміз. Жұмысшы мамандықтарының дамуы өңірлік экономиканың да өрлеуіне әсер етеді. Әсіресе «Жұмысшы мамандықтар жылы» аясында еңбек адамын қолдау, әлеуметтік жағдайын жақсарту бағытында маңызды қадамдар атқарылып жатыр. Кәсіпорындарда еңбек қауіпсіздігін күшейту, жұмысшыларды оқыту және қайта даярлау жұмыстары да жүйеленуде.

Білікті жұмысшыларды даярлау – елдің индустриялық-инновациялық дамуының кепілі. Еліміздің әр аумағындағы өндіріс орындарының өркендеуі – осы маман иелерінің күнделікті еңбегінің нәтижесі. Сондықтан жұмысшы мамандықтарын насихаттау, олардың мәртебесін көтеру – уақыт талабы. Еңбек адамына құрмет көрсету – қоғамның дамығандығын білдіреді. Жұмысшы еңбегі бағаланған жерде береке де, өрлеу де болары анық.