Республика күні – ел еркіндігінің айғағы

Республика күні – тәуелсіз елдің іргесін бекіткен, халқымыздың еркіндікке деген ұмтылысы мен азаттыққа қол жеткізгенінің айқын көрінісі болған тарихи күн. 1990 жылы қабылданған Егемендік декларациясы қазақ халқының өз тағдырын өзі шешуге мүмкіндік беріп, ел дамуының жаңа дәуіріне жол ашты. Бұл күн – бірліктің, татулықтың және ортақ мақсатқа ұмтылудың символы болып саналады. Бүгінде Қазақстан – әлем таныған, дамыған мемлекеттер қатарындағы елге айналды. Егемен ел болудың басты байлығы – бейбітшілік пен тұрақтылық екенін әр азамат терең түсініп, оны сақтауға және қорғауға міндетті. Республика күні – өткенге тағзым, бүгінге алғыс, ертеңге сенім ұялататын ұлық мереке. Бұл күн әр жүректе отансүйгіштік сезімін оятып, елге деген мақтаныш пен жауапкершілікті арттыра түседі. Ел болашағы – білімді де еңбекқор жастардың қолында, олардың әр қадамы Тәуелсіз Қазақстанның жаңа жетістігіне жол ашады. Республика күні барша қазақстандықтарды ортақ мақсат пен елдік рухқа біріктіріп, ерлігіміз бен бірлігіміздің нышанына айналды. Осылайша, Республика күні – ел тарихындағы ең мәртебелі мерекелердің бірі, тәуелсіздігіміздің тұғыры мен болашағымыздың кепілі. Республика күні құтты болсын! Тәуелсіз Қазақстан мәңгі жасай берсін!