РЕСПУБЛИКА КҮНІ – ЕЛ ТӘУЕЛСІЗДІГІНІҢ БАСТАУЫ

25 қазан – халқымыз үшін тарихи әрі ерекше маңызы бар күн.
Бұл күні Қазақстанның мемлекеттік егемендігі туралы Декларация қабылданып, ел тағдырында жаңа парақ ашылды. Сол сәттен бастап қазақ халқының ғасырлар бойғы арманы – дербес мемлекет болу мұраты жүзеге аса бастады. Республика күні – тәуелсіздік жолындағы табандылық пен ел бірлігінің көрінісі.
Бұл мереке бізге өткеннің өнегесін еске салып, болашаққа сеніммен қарауға мүмкіндік береді. Егемендіктің алғашқы қадамы ел дамуының берік негізін қалады.
Бүгінде Қазақстан – тұрақты даму жолына түскен, беделі жоғары мемлекет. Осының бәрі ел азаматтарының бірлігі мен ортақ мақсатының арқасы.Республика күні – тек тарих беттеріндегі күн емес, бұл ел рухын көтеретін мереке.
Әр қазақстандық осы күні өз елінің жетістігіне мақтанышпен қарайды. Бірлік пен ынтымақ – мемлекетіміздің ең басты тірегі болып қала береді. Тәуелсіз елдің тағдыры – әр азаматтың жүрегіндегі Отанға деген сүйіспеншілікте.
Республика күні – елдік рухты асқақтатып, ұлтты ортақ мақсатқа біріктіретін мерейлі мейрам. Бүгінгі ұрпақ сол егемендік жолындағы батыр бабалар аманатына адал болуға тиіс.
Мерекеміз құтты болсын! Еліміз аман, көк туымыз мәңгі желбіресін!