ҰСТАЗДАР КҮНІ МЕРЕКЕЛЕНДІ
⚜️Ауданымызда Ұстаздар күні кең көлемде аталып өтті.
⚜️Аудандық Мәдениет үйінде ұйымдастырылған салтанатты шараға аудан әкімі Қанат Қожықаев, ардагер ұстаздар мен білім саласының қызметкерлері қатысты.
⚜️Мерекелік жиында аудан басшысы ұстаздар қауымын кәсіби мерекелерімен құттықтап, олардың қоғамдағы ерекше рөліне тоқталды.
«Ұстаз – жас ұрпаққа жол көрсетуші, елдің болашағын қалыптастырушы тұлға. Сіздердің қажырлы еңбектеріңіздің арқасында мемлекетіміздің келешегі кемел, білімді ұрпақ өсіп келеді. Баршаңызды кәсіби мерекелеріңізбен шын жүректен құттықтаймын!» – деді аудан басшысы.
⚜️Құттықтау сөзден кейін бірқатар мұғалімдерге әртүрлі дәрежедегі марапаттар табысталды. Марапаттау рәсімін аудан әкімі Қанат Қожықаев пен аудандық білім бөлімінің басшысы Махаббат Балабаева жүргізді.
⚜️Мерекелік кеш аудан өнерпаздарының әсем әндерімен және мың бұралған билерімен жалғасқан болатын.
