*«Таза Қазақстан» акциясы – ауданымызда жүйелі жалғасуда*
*«Таза Қазақстан» акциясы – ауданымызда жүйелі жалғасуда*
Еліміз бойынша жарияланған «Таза Қазақстан» экологиялық акциясы ауданымызда да кең көлемде жүзеге асырылып келеді. Табиғатты аялау, қоршаған ортаға жанашырлықпен қарау, елді мекендерді абаттандыру – аудан халқының ортақ мақсатына айналған.
Акция аясында аудан орталығында және ауылдық округтерде санитарлық тазалық жұмыстары тұрақты түрде жүргізіліп жатыр. Адам көп жүретін көшелер, қоғамдық орындар, жаяу жүргіншілер жолдары мен аулалар тұрмыстық қалдықтан тазартылып, жасыл желек отырғызу, қоқыс шығару, рұқсатсыз төгілген қалдықтарды жою шаралары ұйымдастырылуда.
Игі бастамаға аудан тұрғындары, мекеме қызметкерлері, жастар мен еріктілер белсене атсалысуда. «Таза Қазақстан» тек тазалықты қамтамасыз етумен шектелмей, тұрғындардың экологиялық мәдениетін арттыруға да зор үлес қосуда. Бұл – болашақ ұрпаққа таза табиғат пен қолайлы өмір сүру ортасын қалдыру жолындағы нақты қадам.
