*2025 – Жұмысшы мамандықтардың жылы: еңбекке құрмет, маманға қолдау*
*2025 – Жұмысшы мамандықтардың жылы: еңбекке құрмет, маманға қолдау*
Мемлекет тарапынан биылғы 2025 жылды «Жұмысшы мамандықтардың жылы» деп жариялау – қарапайым еңбек адамдарына көрсетілген құрмет пен қолдаудың айқын көрінісі. Бұл – еліміздің әлеуметтік-экономикалық дамуына сүбелі үлес қосып жүрген жұмысшы мамандардың беделін арттыруға бағытталған маңызды қадам.
Бүгінгі таңда техникалық және кәсіптік білім беру жүйесіне үлкен мән берілуде. Заман талабына сай жаңартылған колледждер, заманауи құралдармен жабдықталған оқу орталықтары – барлығы болашақ жұмысшы кадрларды сапалы дайындауға негіз болып отыр. Әсіресе құрылыс, ауыл шаруашылығы, энергетика, көлік және сервистік қызмет салаларында сұраныс жоғары.
Аудан көлемінде де жұмысшы мамандықтарының маңызын арттыруға бағытталған іс-шаралар қолға алынып, білім беру ұйымдары мен өндіріс орындары арасында тығыз байланыс орнатылуда. Жастарды еңбекке баулу, кәсіби бағыт беру – уақыт талабы.
Еңбегімен ел дамуына үлес қосып жүрген мамандар – біздің мақтанышымыз. Жұмысшы мамандығы – тек кәсіп қана емес, бұл – қоғам дамуының қозғаушы күші. Сондықтан биылғы жыл еңбек адамдарын дәріптеуге, жастарды осы салаларға ынталандыруға арналған үлкен мүмкіндік жылы болмақ.
