Жаңаарқада “Бір ауыл- бір өнім” жобасы өтті
✨Аудан орталығы – Жаңаарқа кентінде II аудандық «Бір ауыл – бір өнім» жобасы аясында көрме-жәрмеңке өткен болатын. Шараның басты мақсаты – ауыл кәсіпкерлігін дамыту, жергілікті шикізаттан өнім өндіруді қолдау және ауыл тұрғындарының әл-ауқатын арттыру еді.
✨Аудан бойынша 30-ға жуық кәсіпкер өз өнімдерін – қолөнер бұйымдары мен ауыл шаруашылық өнімдерін көпшілікке ұсынған болатын. Жоба аясында кәсіпкерлерге арналған семинарлар мен тренингтер өтіп, ауыл шаруашылығындағы жаңа технологиялар таныстырылды.
✨Мемлекет басшысы жариялаған «Жұмысшы мамандықтар жылы» аясында Қ.Жарылғапов атындағы аграрлық колледж де өз оқу бағдарламасын таныстырып, жұмысшы мамандықтарды даярлау барысымен бөліскен болатын.
✨Қатысушылардың белсенділігі мен ұсынылған өнімдердің сапасы жобаның маңызын айқындап, оның алдағы уақытта да жалғасын табатынына сенім арттырды. Бұл бастама ауыл кәсіпкерлері үшін үлкен мүмкіндікке айналып отыр.
