Таза Қазақстан: әр азаматтың ортақ міндеті

Елімізде 2025 жылдың басынан бері жалпыреспубликалық “Таза Қазақстан” экологиялық акциясы қарқынды түрде жүзеге асырылып келеді. Бұл бастама еліміздің экологиялық мәдениетін арттыруға, қоршаған ортаны қорғауға және ел тұрғындарын табиғатқа жанашыр болуға үндейді.

Аталған акция аясында еліміздің барлық өңірлерінде сенбіліктер ұйымдастырылып, елді мекендерді қоқыстан тазарту, жасыл аймақтарды көбейту, ағаш отырғызу сынды ауқымды шаралар қолға алынды. Мемлекеттік органдармен қатар, қоғамдық ұйымдар, еріктілер мен тұрғындар да белсене қатысуда.

Жергілікті әкімдіктердің бастамасымен тазалық жұмыстары жүйелі түрде жүргізіліп, ауылдар мен қалаларда көше, саябақ, су айдындары тазартылып, тұрмыстық қалдықтар шығарылуда. Сонымен қатар, мектептерде және жоғары оқу орындарында экологиялық тәрбиеге бағытталған іс-шаралар өткізіліп, жас буынға табиғатқа деген сүйіспеншілік дарытылуда.

“Таза Қазақстан” акциясы – жай ғана сенбілік емес, бұл – барша қоғамның қоршаған ортаға деген көзқарасын өзгертетін маңызды қадам. Осы бастама арқылы еліміздің әрбір тұрғыны өз айналасына жауапкершілікпен қарап, табиғатты аялауға үлес қоса алады.

Тазалық – тек сыртқы көрініс емес, ол – ұлттың рухани мәдениетінің көрінісі. Сондықтан да “Таза Қазақстан” – таза болашаққа бастайтын жарқын жол.

Назгуль Башенова, Ералиев а/о тұрғыны