Таза Қазақстан – болашаққа бағытталған игі бастама
2025 жылдан бастап елімізде кең ауқымда жүзеге асып жатқан “Таза Қазақстан” экологиялық акциясы – қоршаған ортаны қорғауға, елді мекендердің санитарлық жағдайын жақсартуға және экологиялық мәдениетті қалыптастыруға бағытталған маңызды бастама.
Бұл акция аясында бүкіл республика көлемінде сенбіліктер ұйымдастырылып, қоқыс шығару, ағаш отырғызу, өзен-көлдерді тазарту, саябақтарды абаттандыру сияқты ауқымды жұмыстар қолға алынуда. Мемлекеттік органдармен қатар, жеке кәсіпорындар, қоғамдық ұйымдар мен еріктілер де бұл шараға белсенді қатысып келеді.
“Таза Қазақстан” – тек тазалық сақтау шарасы емес, бұл – әрбір азаматтың туған еліне деген жауапкершілігі мен сүйіспеншілігін көрсететін жоба. Қоршаған ортаны қорғау – ұлт денсаулығы мен келешек ұрпақтың жарқын болашағының кепілі.
“Таза Қазақстан” – тек бір күндік акция емес, бұл – ұзақмерзімді мақсаттарды көздейтін ұлт болашағы үшін жасалып жатқан нақты қадам. Әр азамат тазалық пен тәртіпке бейжай қарамаса, қоршаған ортаны аяласа, еліміздің әр өңірі жайқалған жасыл желекке, таза өзен-көлге, жарқыраған көшелер мен аулаға айналары анық.
Аян Естаева, Талдыбұлақ а/о тұрғыны