«Таза Қазақстан»: Таза табиғат – ортақ міндет
2025 жылдың басынан елімізде кең ауқымды «Таза Қазақстан» экологиялық акциясы бастау алды. Бұл бастама – қоршаған ортаны қорғауға, елді мекендер мен табиғат аясын абаттандыруға бағытталған маңызды жоба. Акцияның басты мақсаты – тұрғындардың экологиялық мәдениетін көтеріп, еліміздің әр аймағында тұрақты тазалық жұмыстарын жүргізу арқылы қоршаған ортаны жақсарту.
«Таза Қазақстан» акциясы аясында Жаңаарқа ауданында да қарқынды жұмыстар атқарылып жатыр. Аудан әкімдігі, жергілікті мекемелер, білім беру ұйымдары және ерікті жастар бірігіп, сенбіліктер өткізіп, ауыл ішін, өзен-көл жағалауларын, орман алқаптарын қоқыстан тазартуға белсене кірісті. Сондай-ақ, акция аясында ағаш отырғызу, тұрмыстық қалдықтарды сұрыптау, ескі техника мен құрылыс қалдықтарын шығару жұмыстары да қатар жүзеге асуда.
Таза ел – ұлттың айнасы. Сондықтан әрбір азамат туған жерінің тазалығына бейжай қарамай, экологиялық акцияларға белсенді қатысуы қажет. «Таза Қазақстан» – тек бір науқан емес, бұл – күнделікті өмір салтына айналуы тиіс игі бастама.
Ардақ Досаева, Орынбай а/о тұрғыны
