Жаңаарқа ауданында үш жаңа балалар ойын алаңы пайдалануға берілді
Ұлытау облысы Жаңаарқа ауданында балалардың бос уақытын тиімді өткізуге және салауатты өмір салтын ұстануға жағдай жасау мақсатында үш заманауи балалар ойын алаңы салтанатты түрде ашылды.
Жаңа нысандар аудан орталығы мен елді мекендерде орналасып, жергілікті тұрғындардың игілігіне берілді. Әрбір ойын алаңы қауіпсіздік талаптарына сай жабдықталған және заманауи құрылғылармен қамтамасыз етілген. Мұнда балаларға арналған әткеншек, сырғанақ, құмсалғыш, кішкентай спорттық кешендер орнатылған.
Аталған жобалар жергілікті бюджет есебінен және демеушілердің қолдауымен жүзеге асырылды. Жаңаарқалық тұрғындар бұл игі бастамаға алғыстарын білдіріп, болашақта мұндай әлеуметтік жобалардың көбірек болатынына сенім білдірді.
