Қараағаш ауылындағы мектептің жөндеу жұмыстары қарқынды түрде жүргізілуде

Бүгін Жаңаарқа ауданының әкімі Қанат Қожықаев Қараағаш ауылдық округіне жұмыс сапарымен барып, Ынталы жалпы білім беретін мектебінде жүргізіліп жатқан күрделі жөндеу жұмыстарының барысын көріп шықты.

Аталған білім беру нысанын қайта жаңғырту жұмыстары 2025–2026 жылдарға арналған жоспарға сәйкес жүзеге асуда. Жобаның жалпы құны – 970,631 млн теңге. Құрылыс-монтаж жұмыстарын «Еңбек» ЖШС (Алматы қаласы) мердігер компаниясы қарқынды түрде жүргізуде. Келісімшарт сомасы – 909,935 млн теңге.

2024 жылы жөндеу жұмыстарына облыстық бюджеттен 411,141 млн теңге бөлінді. Бұл қаражат аясында мектептің шатырын толық ауыстыру, қасбетін сайдингпен қаптау және терезелерді жаңарту көзделген.

1 маусымда басталған жұмыстар шеңберінде шатырдың керамзит қабаты төселіп, екі қабатты (20 см) жылу оқшаулағыш салынды. Арматурамен күшейтілген шатырдың үстіне цемент құйылып, бүгінде шатырды жабуға дайындық жүріп жатыр.

Сондай-ақ, барлық жаңа терезелер орнатылып, бірінші қабат бойынша жұмыстар аяқталды.

Жөндеу жұмыстары белгіленген кестеге сәйкес жүргізілуде және 2024 жылғы 25 тамызға дейін толық аяқталады деп жоспарлануда.