Ауданымызда жалпы аудандық сенбілік өтті
Бүгін Жаңаарқа ауданында санитарлық тазалықты сақтау және экологиялық мәдениетті арттыру мақсатында жалпы аудандық сенбілік ұйымдастырылды. Аталған шараға ауданға қарасты барлық ауылдық округтер мен кент тұрғындары белсене қатысып, елді мекендерді абаттандыруға үлес қосты.
Сенбілік барысында саябақтар мен қоғамдық орындарда қоқыс жиналып, ағаш түптері әктеліп, шөптер шабылды. Сонымен қатар рұқсатсыз төгілген күл-қоқыс алаңдары ретке келтіріліп, тазалыққа бейжай қарамайтын азаматтардың ортақ күшімен аудан аумағы таза әрі көрікті күйге енді.
Мұндай игі істер қоршаған ортаны қорғауға деген қоғамдық сананы қалыптастыруға және тұрғындардың экологиялық мәдениетін арттыруға бағытталған. Сенбілік — тек тазалық шарасы емес, сонымен қатар аумақты күтіп ұстауға деген ортақ жауапкершіліктің көрінісі. Аудан көлемінде мұндай бастамалар алдағы уақытта да жалғасын табатын болады.
#ТазаҚазақстан #устойчивоеразвитие #чистаястрана #экология #TazaChallenge @TazaQazaqstan
