Жұмысшы мамандықтар жылы – еңбекке деген құрметтің бастауы
2025 жыл елімізде Жұмысшы мамандықтар жылы деп жарияланды. Бұл бастама – қарапайым еңбек иелеріне деген құрметтің, адал жұмыстың бағасын арттырудың жарқын үлгісі.
Электрші, дәнекерлеуші, құрылысшы, механик, аспаз, жүргізуші, шаштараз, тігінші – осындай мамандық иелері – біздің күнделікті өміріміздің ажырамас бөлігі. Олар – үнсіз еңбек етіп, қоғамды алға сүйреп жүрген нағыз еңбек ерлері. Әр адамның өмірінде олардың атқаратын рөлі зор. Бірақ, өкінішке қарай, кейде осы мамандықтардың қадірі еленбей қалып жатады.
Жұмысшы мамандықтарды дәріптеу – тек құрмет қана емес, жастарды нақты еңбекке баулудың да жолы. Қазір техникалық және кәсіби білім беру орындарында сапалы маман даярлау басты назарда. Өйткені экономика мен өндірістің негізі – білікті жұмысшы кадрлар.
Бұл жыл жастарға үлкен мүмкіндік береді: кәсіптік бағдар, жұмысқа орналасу, шеберлік сайыстары, шетелдік тәжірибе, оқу гранттары – барлығы еңбекке ынталандыру үшін.
Асхат Қайратұлы, белсенді жас
