Еңбек адамы – елдің тірегі
2025 жыл – елімізде Жұмысшы мамандықтарының жылы деп жарияланды. Бұл бастама – қоғамның қозғаушы күшіне айналған қарапайым еңбек адамдарына деген құрметтің жарқын көрінісі. Еңбек адамы – ел экономикасының тірегі, әрбір саланың алға басуына үлес қосып жүрген нағыз қаһарман. Президент Қасым-Жомарт Тоқаев өз Жолдауларында өндірістік және техникалық сала қызметкерлерін қолдау қажеттігін ерекше атап өткен болатын. Бұл – ел болашағының нақты құрылысшыларына деген шынайы құрмет.
Бүгінгі жұмысшы – заман талабына сай кәсіби білімі бар, жаңашылдықты меңгерген, өндірістің жүрегінде тұрған маман. Құрылысшы, механик, электр маманы, дәнекерлеуші, ауыл шаруашылығы техникасын меңгерген мамандар – барлығы да ел тіршілігін алға сүйреуде. Олар – тікелей әрекет арқылы елдің дамуына үлес қосатын нағыз еңбек ерлері.
Жұмысшы мамандықтарының жылы – бұл тек бір саланы насихаттау емес, бұл – ел болашағын нақты ісімен қалыптастырып жүрген азаматтарды тану және оларды жастарға үлгі ету. Бұл бастама еңбек адамының беделін көтеріп, жастарды нақты кәсіпке баулуға үлкен серпін беретіні анық.
Аян Естаева, Талдыбұлақ а/о тұрғыны
