Ана жүрегі – шексіз мейірімнің мекені
Ана жүрегі – теңдессіз мейірімнің, шексіз махаббаттың, сарқылмас сабырдың шуағы. Ол тек өз баласын ғана емес, барша адамзатқа деген жанашырлықпен қарай алады. Ана жүрегі әрдайым баласының жағдайын ойлайды, жақсылығын тілейді. Қуанышыңа бірге қуанып, қайғыңа жаны ауыратын жалғыз жан – ана ғана.
Аналар күні – ананың осы бір баға жетпес жан дүниесін ұлықтайтын күн. Бұл күні әрбір перзент анасын қуантқысы келіп, жылы сөзін айтып, қолынан келгенін жасауға тырысады. Бірақ анаға ең үлкен сый – баласының адам болып өсуі, жақсы азамат болуы. Сол себепті, біз аналарымыздың үмітін ақтап, әрдайым сый-құрмет көрсетіп жүруіміз керек. Ана жүрегін жараламау – ең үлкен парыз.
Жакиянова Жулдыз Бидайық а/о тұрғыны
