Тәрбие бастауы – отбасы

Ұлт болашағы отбасыдан басталады. Себебі әрбір ұрпақтың рухани тәрбиесі, адамдық болмысы, ізгі қасиеттері отбасында қалыптасады. «Ұяда не көрсең, ұшқанда соны ілесің» дейді дана халқымыз. Бұл – отбасының тәрбиедегі рөлін айқын көрсететін сөз.

Отбасы күні – тек мерекелік күн емес, бұл – әкенің абыройын, ананың мейірімін, баланың қадірін терең сезінетін күн. Бүгінгі жас ұрпақ – болашақтың тұтқасы. Ал сол ұрпақтың дұрыс қалыптасуы үшін ата-ана тәрбиесі, үлгісі өте маңызды. Бақытты ұрпақ – бақытты отбасынан шығады. Ендеше, әрбір отбасы ынтымақ пен татулықта өмір сүріп, бала тәрбиесіне ерекше мән берсе, болашағымыз жарқын болмақ.

Ақниет Арыстан, белсенді жас