Ұлы Жеңіске — 80 жыл
2025 жылы адамзат тарихындағы ең қасіретті соғыстардың бірі – Ұлы Отан соғысының басталғанына 80 жыл толып отыр. Бұл – тек уақыт өлшемі ғана емес, ұрпақтар жадындағы ұмытылмас ерлік пен жеңістің мәңгі естелігі. 1941 жылы 22 маусымда басталған бұл соғыс Кеңес Одағы халықтарының басына ауыр сынақ болып төнді. Қазақстан да бұл ауыр кезеңде өз үлесін қосты. Миллионнан астам қазақ жауынгері майданға аттанып, олардың көпшілігі Отан үшін жанын қиды. Батырларымыздың қатарында Бауыржан Момышұлы, Әлия Молдағұлова, Мәншүк Мәметова, Талғат Бигелдинов сияқты аты аңызға айналған ерлер мен ерлердің рухын көтерген аналарымыз болды. Соғыс жылдары Қазақстан тек жауынгер жіберіп қана қоймай, тылда да жан аямай еңбек етті. Азық-түлік, киім-кешек, қару-жарақ өндіріп, майданды қажетті құралдармен қамтамасыз етуге атсалысты. Халықтың бірлігі мен қажырлы еңбегі – Жеңістің кепіліне айналды. 80 жылдық – бұл тарихи оқиғаны еске алу ғана емес, сонымен қатар бейбітшіліктің, достық пен ынтымақтың құндылығын ұғыну.
Аян Естаева, Талдыбұлақ а/о тұрғыны
