Ұлы Жеңістің 80 жылдығы – ел жадындағы мәңгілік рух

 Ұлы Отан соғысындағы Жеңістің 80 жылдығы — бұл жай ғана тарихи дата емес. Бұл — ұрпақтар сабақтастығының, ел бірлігі мен жауынгерлік ерліктің символы. Бұл күн бізге бейбіт өмірдің, тұрақтылық пен ынтымақтың құнын тағы бір мәрте еске салады. Ерлікпен қаза тапқандардың есімі ел есінде. Ал тірі оралған жауынгерлер мен тыл еңбеккерлерінің ерен еңбегі ешқашан ұмытылмауы тиіс. Бүгінгі Жеңіс күні – тек естелік қана емес, бейбітшілікті сақтау жолындағы жауапкершілікті сезінудің де белгісі. Жеңістің 80 жылдығын атап өту — тек өткенге тағзым ғана емес, сонымен қатар қазіргі ұрпақты отансүйгіштікке, елжандылыққа тәрбиелеудің маңызды құралы. Жастар соғыс жылдарының сабағын терең түсініп, бейбіт күннің қадірін біліп өсуі тиіс. Ардагерлердің ерлігі, тарихтың сабағы және ұлттық бірлік – осы мерекенің басты мәні болып қала береді.

Мархаба Атембекова,

кітапханашы