Қазақстан халқы Ассамблеясы – ел бірлігі мен тұрақтылығының негізі
2025 жылы Қазақстан халқы Ассамблеясы (ҚХА) өзінің 30 жылдық мерейтойын атап өтеді. Осы уақыт ішінде ҚХА ұлтаралық татулық пен қоғамдық келісімді нығайтуда маңызды рөл атқарып, елдегі бейбітшілік пен тұрақтылықтың басты тіректерінің біріне айналды.1995 жылы Қазақстан Республикасының Тұңғыш Президенті – Елбасы Нұрсұлтан Назарбаевтың бастамасымен құрылған бұл ұйым бүгінде мемлекеттің бірегей институты ретінде қалыптасты. Ассамблеяның негізгі мақсаты – Қазақстанда тұратын барлық этностардың мәдениетін, тілін, дәстүрін сақтай отырып, елдегі бірлік пен келісімді қамтамасыз ету. Сондықтан ҚХА қоғамдағы өзекті мәселелерді шешуде маңызды рөл атқара отырып, өз қызметін жаңа деңгейге көтеруді көздейді. 30 жылдық мерейтой – бұл тек өткен жолды саралап, жетістіктерді бағалау ғана емес, сонымен қатар болашаққа берік қадам жасау кезеңі. Қазақстан халқы Ассамблеясы алдағы уақытта да елдегі тұрақтылық пен бірлікті нығайту бағытындағы маңызды жұмыстарын жалғастыра бермек.
Мердан Атамұрат,
Жаңаарқа аудандық мәслихат депутаты
