ЖАҢААРҚА КЕНТІНДЕ 3 ҚАБАТТЫ ТҰРҒЫН ҮЙ 18 ОТБАСЫНА БЕРІЛДІ
Жаңаарқа ауданында бас-аяғы 900-ге жуық азамат үйдің кезегінде тұрса, оларды баспанамен қамтамасыз ету мақсатында тұрғын үйлер бой көтеруде. Биылғы жылдың өзінде біршама отбасы баспаналы болды. Солардың бірі Ұлыстың Ұлы күні Наурыз мейрамы қарсанында Жаңаарқа кентінде 18 пәтерлі, 3 қабатты тұрғын үйдің құрылысы аяқталып, қолданысқа берілген еді. Аудан орталығындағы “Жаңа Нұр” ықшам ауданынан бой көтерген бұл тұрғын үй кезегі келген әртүрлі санаттағы жандарға табысталған. Көпқабатты тұрғын үйді салуға жұмсалған қаражаттың көлемі: 247 млн. 700 мың теңгені құрайды. Мердігері: “Астана Премиум Строй” ЖШС.
