«МҰРАГЕР-2023» І облыстық шығармашылық байқауының гала-концерті өтті
2022 жылдың қараша-желтоқсан айларында Ұлытау облысының білім беру ұйымдарында балалар мен жасөспірімдер арасында «Мұрагер – 2023» І облыстық шығармашылық байқауы ұйымдастырылған болатын.
Жезқазған қаласындағы Халықтар достығы мен мәдениеті үйінде аталған байқаудың гала-концерті өтті. Салтанатты іс-шара барысында байқаудың 168 бас жүлде иегері марапатталды.
Байқау қатысушылары аспапта орындау, хореография, театр өнері, вокал, бейнелеу өнері, хор өнері жанрлары бойынша сынға түсті. Сонымен қатар, «Тик-ток» арнайы номинациясы белгіленген болатын.
Сайыстың мектепішілік кезеңіне 5370 оқушы, 2023 жылдың қаңтар-ақпан айларында өткен аудандық және қалалық кезеңге 2185 оқушы қатысты. Байқаудың қорытынды облыстық кезеңіне 833 оқушы қатысты.
Тұңғыш рет ұйымдастырылып отырған шығармашылық байқау көптеген өнерлі баланы анықтауға мүмкіндік берді
