Ұлытау облысында медбикелерді үйлестіру кеңесі жұмысын бастамақ
Халықаралық медбике күніне орай Жезқазғанда «Ұлытау облысында мейірбике ісін дамыту. Тәжірибе және перспективалар» атты ғылыми-тәжірибелік конференциясы өтті.
Іс-шараны Жезқазған қаласының Денсаулық сақтау басқармасы мен жоғары медициналық колледжі ұйымдастырды.
Форум жұмысына өңірдің мемлекеттік мекемелерінің, медициналық және қоғамдық ұйымдарының өкілдері қатысты.
Конференцияда, атап айтқанда, әрбір медициналық ұйымда мейірбике ұжымы мамандардың ең үлкен және мобильді ұжымы екені айтылды. Осылайша, ДДСҰ деректері бойынша мейірбике мамандары барлық денсаулық сақтау қызметкерінің шамамен 60%-ын құрайды, Қазақстанда бұл көрсеткіш 75%. Осының барлығы медициналық көмек көрсетудің тиімділігі көп жағдайда медбикелердің кәсібилігіне, біліктілігіне және дайындық деңгейіне байланысты екенін көрсетеді. Осының барлығы медициналық көмек көрсетудің тиімділігі көп жағдайда медбикелердің кәсібилігіне, біліктілігіне және дайындық деңгейіне байланысты екенін көрсетеді. Сондықтан бүкіл әлемде мейірбике ісі мамандары қазіргі уақытта негізгі техникалық және кәсіптік білім деңгейінде ғана емес, сонымен қатар бакалавриат, магистратура және докторантура аясында да даярлануда.
Біздің елімізде жаңа формациядағы медбикелерді құру — денсаулық сақтау жүйесінің бірқатар стратегиялық міндеттеріне кіреді, оларды жүзеге асыру үшін бүгінгі күні заңнамалық база бар және тиісті мемлекеттік шаралар — оның ішінде модернизацияланған көп деңгейлі білім беру денсаулық сақтау жүйесінің қажеттіліктерін қанағаттандыратын бағдарламалар қабылданды. Нәтижесінде саланы мейірбикелік процестің кеңейтілген міндеттерін дербес орындайтын және дәрігердің тең құқылы серіктесі болып саналатын медбикелермен қамтамасыз ету көрсеткіші 2025 жылға қарай 7%-ға жетуі тиіс. Ұлытау өңірінде қазірдің өзінде 5 пайызды құрап отыр.
Айта кету керек, медбикелердің пациенттерге автономды және патронаждық қызмет көрсетуін белсенді жүзеге асыру сонау 1999 жылы Н.С.Кимнің жетекшілігімен «Мейірім» үкіметтік емес ұйымының бастамасымен басталған болатын. Конференцияда «Мейірім» ҮЕҰ-мен бірлесе отырып, мейірбике ісін дамытуға барлық мүмкіндікті біріктіріп, бағыттайтын аймақтық мейірбикелер үйлестіру кеңесі жұмыс істей бастағаны туралы айтылды.
