Тазалық – мәдениетті қоғамның айнасы

Қоғамның мәдени деңгейі ең алдымен оның тазалығымен, қоршаған ортаға деген жанашырлығымен өлшенеді. Таза көше, жинақы аула, күтімді саябақ – бұл тек сыртқы көрініс қана емес, тұрғындардың мәдениеті мен жауапкершілігінің айқын белгісі. Сондықтан бүгінде елімізде жүзеге асып жатқан «Таза Қазақстан» экологиялық акциясының маңызы ерекше.

Тазалық – әр адамның өзінен басталатын қарапайым, бірақ маңызды қасиет. Қоршаған ортаны таза ұстау арқылы адам табиғатқа деген құрметін көрсетеді. Аулаға қоқыс тастамау, қоғамдық орындарды бүлдірмеу, ағаш отырғызу, туған жердің табиғатын қорғау – мәдениетті қоғамның қалыптасуына әсер ететін маңызды әрекеттер.

Соңғы жылдары еліміздің көптеген өңірлерінде сенбіліктер ұйымдастырылып, көшелер мен саябақтар тазартылып, ағаш көшеттері егілуде. Мұндай шаралар тұрғындарды бірлікке, еңбекқорлыққа және туған жерге деген сүйіспеншілікке тәрбиелейді. Әсіресе жастардың экологиялық мәдениетін қалыптастыруда мұндай бастамалардың рөлі зор.

Жаңаарқа өңірінде де тазалық жұмыстары тұрақты түрде жүргізіліп келеді. Аудан тұрғындары мен мекеме қызметкерлері, жастар ұйымдары мен еріктілер туған өлкенің тазалығын сақтауға белсенді атсалысуда. Бұл – туған жерге деген жанашырлықтың, ел болашағына деген жауапкершіліктің көрінісі.

Тазалық сақтау тек бір күндік акциямен шектелмеуі тиіс. Ол – күнделікті өмір салтына айналуы қажет маңызды міндет. Себебі таза ортада өмір сүрген адамның денсаулығы мықты, көңіл-күйі көтеріңкі болады. Ал таза әрі көрікті ел – оның мәдениеті жоғары екенін көрсетеді.

«Тазалық – мәдениетті қоғамның айнасы» деген сөздің мәні де осында. Әр азамат қоршаған ортаға бейжай қарамай, тазалықты сақтауға өз үлесін қосқанда ғана қоғамымыз көркейіп, болашағымыз жарқын болмақ.