Республика күні – еркін елдің айбыны

Республика күні – еліміздің тәуелсіздікке қадам басқан тарихи күндерінің бірі. Бұл күн халқымыздың мемлекеттік егемендікке деген ұмтылысының, ұлттық бірлігінің және азат рухының көрінісі. 1990 жылы 25 қазанда қабылданған Қазақ КСР-інің Мемлекеттік егемендігі туралы декларация – жаңа тарихымыздың бастауы болды. Сол сәттен бастап халқымыз өз тағдырын өзі шешуге мүмкіндік алды. Республика күні – мемлекеттілігіміздің, демократиялық құндылықтар мен ұлттық сана-сезімнің нығаюының белгісі. Бүгінгі таңда Қазақстан әлемге бейбітшілік пен келісімнің үлгісін көрсетіп отырған тәуелсіз мемлекетке айналды. Бұл жетістік – ұлттың бірлігі мен азаматтардың еңбегінің нәтижесі. Әрбір қазақстандық осы мерекеде елдің даму жолына өз үлесін қосқанын мақтанышпен еске алады. Республика күні – өткенге тағзым, болашаққа сенім. Бұл мереке жастарды отансүйгіштікке, елге қызмет етуге шақырады. Тәуелсіз елдің басты байлығы – оның халқының бірлігі мен татулығы. Бүгінгі бейбіт өміріміз – сол бір тарихи шешімнің жемісі. Республика – біздің ортақ үйіміз, ал оның болашағы – баршамыздың қолымызда. Осы мерекеде әр азамат туған еліне деген сүйіспеншілігін жүрегінде жаңғыртады. Республика күні – азаттықты ардақтап, елдікті дәріптейтін ұлық мейрам!