ЖҰМЫСШЫ МАМАНДЫҚТАР ЖЫЛЫ – ЕҢБЕК ЕРЛІГІН ҰЛЫҚТАЙТЫН УАҚЫТ ♀️⚙️
2025 жыл елімізде Жұмысшы мамандықтар жылы болып жарияланды. Бұл бастама – еңбек адамының қоғамдағы мәртебесін көтеру, жастарды кәсіптік білімге тарту және өндіріс саласының дамуына серпін беру мақсатында қолға алынған маңызды шешім. Еңбек – елдің дамуы мен өркендеуінің негізі. Ал жұмысшы мамандық иелері – сол дамудың басты қозғаушы күші.
Бүгінде заманауи өндіріс пен технологиялар дәуірінде кәсіби шеберлікке сұраныс артып келеді. Ел Президенті өз Жолдауында техникалық және кәсіптік білім беруді жаңа деңгейге көтеру қажеттігін атап өтті. Себебі білікті маман – экономиканың тірегі, ел болашағының кепілі.
Жұмысшы мамандықтар жылы аясында түрлі форумдар, байқаулар, көрмелер және тәжірибелік семинарлар ұйымдастырылуда. Бұл іс-шаралар жастарға өз мамандығына деген қызығушылықты арттырып, еңбекке деген құрметті қалыптастыруға бағытталған.
Сонымен қатар кәсіптік білім беретін оқу орындары мен өндіріс кәсіпорындары арасында өзара әріптестік күшейіп келеді. Бұл түлектердің жұмысқа орналасуына, тәжірибесін шыңдауға үлкен мүмкіндік береді. Әсіресе ауылдық жерлерде шағын өндіріс ошақтары ашылып, жастар өз елді мекенінде еңбек етіп, табыс табуда.
Жұмысшы еңбегін бағалау – қоғам мәдениетінің көрсеткіші. Қарапайым еңбек адамы – еліміздің ең сенімді тірегі, адал еңбектің символы. Сондықтан бұл жыл – тек жұмысшыларды дәріптеу емес, бүкіл елге еңбектің қадірін ұғындыру кезеңі.
Әрбір жас өз болашағын қол еңбегімен, табандылығымен қалыптастыруы тиіс.
Жұмысшы мамандықтар жылы – еңбекке құрмет, ұлтқа қызмет жылы!
