*Қызылжар кентінде көпір құрылысы жүріп жатыр*
*Қызылжар кентінде көпір құрылысы жүріп жатыр*
Қызылжар кентіне кіреберісте жаңа көпірдің құрылысы жүріп жатыр. Бұл – тұрғындар көптен күткен жоба.
Қазіргі уақытта құрылыс алаңында жер қазу және бетон құю жұмыстары қарқынды жүргізілуде. Құрылыстың жанында асфальт-бетон зауыты орналасқан. Жоспар бойынша жоба 2025–2026 жылдары толық жүзеге асып, көпір 2026 жылдың соңында пайдалануға беріледі.
Көпірдің ұзындығы – 151 метр. Құрылысқа 30-ға жуық жұмысшы мен 15 арнайы техника жұмылдырылған.
Бұған дейін көктем мен күзде Сарысу өзенінің тасыған суы жолды шайып кетіп, тұрғындарға қолайсыздық тудыратын. Жаңа көпір – осы мәселенің түпкілікті шешімі болмақ.
Бұл жоба ауданның инфрақұрылымын жақсартуға және тұрғындардың өмір сүру сапасын арттыруға бағытталған маңызды қадам болып табылады.
