ЖАҢААРҚАДА ЖАС КӘСІПКЕР ӨЗ КӘСІБІН АШТЫ

Бүгін Жаңаарқа кентінде жас кәсіпкер Жанар Аширова автокөліктің майын ауыстыруға арналған жаңа техникалық қызмет көрсету нүктесін ашты. Аталған нысан Жаңаарқа ауданы әкімінің жастарға арналған биылғы жылғы гранты аясында жүзеге асқан жобалардың бірі.

Салтанатты шараға аудан әкімі Қанат Қожықаев қатысып, жаңа кәсіптің сәтті басталуымен құттықтады.

«Мемлекет басшысы биылғы жылды жұмысшы мамандықтар жылы деп жариялады. Бұл – нақты іске, еңбекке, кәсіпке бет бұрған жастарды қолдаудың айқын белгісі. Аудан бойынша 41 жас гранттық конкурсқа қатысып, 20 жас кәсіпкер жеңімпаз атанды. Солардың бірі – Жанар Қасымбайқызы. Бүгін ашылып отырған бұл нысан – жас кәсіпкерлер еңбегі мен ізденісінің нәтижесі», – деді аудан басшысы.

Жаңа техникалық қызмет көрсету пункті кент тұрғындарына қолжетімді, сапалы қызмет көрсетуге бағытталған. Кәсіпкер алдағы уақытта қызмет түрін кеңейтіп, жаңа жұмыс орындарын ашуды да көздеп отыр.

Жергілікті тұрғындар мен қонақтар да жаңа нысанның ашылу рәсіміне қатысып, ізгі тілектерін білдірді. Бұл бастама – Жаңаарқа жастарының кәсіпке деген ынтасын арттырып, еңбекке бейімделуіне жол ашатын игі қадамның бірі.

Аян Естаева, Талдыбұлақ а/о тұрғыны

Добавить комментарий

Ваш адрес email не будет опубликован. Обязательные поля помечены *