“Атасу” мейрамханасы – жайлылық пен сапалы қызметтің жаңа үлгісі

2025 жылдың 24 мамырында Жаңаарқа ауданында жаңа форматтағы “Атасу” мейрамханасы пайдалануға берілді. Заманауи талаптарға сай салынған бұл әлеуметтік нысан тұрғындар үшін жайлы әрі сапалы қызмет көрсетуге бағытталған. Мейрамхананың ашылуы аудан орталығының инфрақұрылымын дамытуға және кәсіпкерлікті қолдауға жасалған маңызды қадамдардың бірі болды.

Жалпы аумағы 800 шаршы метрді құрайтын бұл жаңа мейрамхана – мерекелік жиындар мен түрлі іс-шаралар өткізуге арналған кең әрі қолайлы орын. Заманауи жабдықтармен қамтылған, талғамға сай безендірілген нысанның ас мәзірі мен қызмет сапасы аудан тұрғындарының сұранысын ескере отырып дайындалған.

Жоба жеке кәсіпкер Айтбек Мұхтаровтың қаражаты есебінен жүзеге асқан. Құрылыстың жалпы құны – 300 миллион теңге. Мейрамхана 18 адамды тұрақты жұмыспен қамтып отыр. Бұл – өңірдегі кәсіпкерлікті қолдаудың, шағын және орта бизнесті дамытудың нақты нәтижесі.

Жаңа нысанның ашылуы – аудан экономикасының жанданып келе жатқанын, халықтың сұранысына сай қызмет көрсету саласының өркендеп жатқанын көрсететін жарқын мысал. Мұндай жобалар жергілікті бизнестің әлеуетін арттырып, тұрғындар үшін жаңа мүмкіндіктер ашатыны сөзсіз.

Добавить комментарий

Ваш адрес email не будет опубликован. Обязательные поля помечены *