Ұлытау облысы Жаңаарқа ауданындағы су айдындары мен балық түрлері туралы
Жаңаарқа ауданы, Ұлытау облысы — табиғи су ресурстарына бай аймақтардың бірі. Аудандағы су айдындары экологиялық, шаруашылық және рекреациялық маңызы бар нысандар болып табылады. Су көздері
Жаңаарқа ауданы аумағында бірнеше маңызды су қоймалары мен көлдер орналасқан:
1.Ақтасты су қоймасы — 750 гектар.
2.Шалғия су қоймасы — 84 гектар.
3.Атасу су қоймасы — 270 гектар.
4.Бидайық су қоймасы — 105 гектар.
5.Шаншар-Балықты су айдыны — балық шаруашылығы үшін қолданылатын су нысаны.
6.Бұдан бөлек, кіші өзендер мен уақытша су көздері: Атасу, Жаман-Айбат, Талды, Қарасудың тармақтары бар.
Бұл су айдындарының бір бөлігі тауарлы балық шаруашылығына, ал енді бір бөлігі спорттық және әуесқой балық аулауға арналған.
Балық түрлері
Жаңаарқа ауданындағы су қоймаларында мекендейтін негізгі балық түрлері:
•Сазан
•Мөңке
•Көксерке
•Табан
•Шортан
•Қызылқанат
•Алабұға
•Жыланбас
•Кейбір су айдындарында шармашай және басқа жергілікті түрлер де кездеседі.
Аталған балықтар табиғи көбейіп қана қоймай, кейбір су қоймаларында қолдан балықтандыру жұмыстары да жүргізіліп тұрады.
