2025 – Жұмысшы мамандықтар жылы: Еңбек даңқын дәріптеу

2025 жыл – елімізде Жұмысшы мамандықтар жылы деп жарияланды. Бұл шешім – қарапайым еңбек адамдарының қоғамдағы орны мен маңызын ерекше атап көрсету үшін жасалған маңызды қадам. Өйткені ел экономикасының іргетасы – қарапайым жұмысшының маңдай терімен қаланады. Бүгінде құрылысшы, механик, электрші, жүргізуші, ауыл шаруашылығы саласының қызметкерлері – бәрі де күнделікті тіршіліктің алғы шебінде жүрген жандар. Олардың қажырлы еңбегінің арқасында зауыттар жұмыс істеп, үйлер бой көтеріп, жолдар салынып, ел экономикасы алға басып келеді. Жұмысшы мамандықтар тек қолмен еңбек етумен шектелмейді. Жұмысшы мамандықтар жылы – бұл еңбек адамына көрсетілген нақты құрмет. Бұл жылы жұмысшылардың жағдайын жақсарту, олардың мәртебесін арттыру, жас мамандарды қолдау бағытында көптеген шаралар жүзеге асырылады.

Аринов Ғани, Түгіскен а/о тұрғыны